ကျောင်းသားဗီဇာ လျှောက်ထားခြင်း လုပ်ငန်းစဉ်

ဂျပန်နိုင်ငံတွင် ပညာသင်ကြားရန် ကျောင်းသားဗီဇာ လျှောက်ထားပုံ အဆင့်ဆင့်ကို ဖော်ပြပေးလိုက်ပါတယ်။

အဆင့် ၁ - ကျောင်းလျှောက်ထားခြင်း

ဦးစွာ ဂျပန်စာသင်ကျောင်း သို့မဟုတ် တက္ကသိုလ်တစ်ခုတွင် ကျောင်းဝင်ခွင့် ရရှိရပါမည်။ ကျောင်းမှ သင့်အတွက် COE (Co-Eligibility) ကို လျှောက်ထားပေးပါလိမ့်မည်။

အဆင့် ၂ - COE လက်ခံရရှိခြင်း

လူဝင်မှုကြီးကြပ်ရေးမှ အတည်ပြုပြီးပါက COE ကျလာပါမည်။ ကျောင်းမှ ထိုမူရင်း COE ကို မြန်မာနိုင်ငံသို့ စာတိုက်မှတဆင့် ပို့ပေးပါလိမ့်မည်။

အဆင့် ၃ - သံရုံးတွင် ဗီဇာလျှောက်ထားခြင်း

မြန်မာနိုင်ငံရှိ ဂျပန်သံရုံးတွင် အောက်ပါစာရွက်စာတမ်းများဖြင့် လျှောက်ထားရပါမည် -

• နိုင်ငံကူးလက်မှတ် (Passport)
• ဗီဇာလျှောက်လွှာ
• ဓာတ်ပုံ (၄.၅ x ၄.၅ စင်တီမီတာ)
• COE မူရင်း
• ကျောင်းဝင်ခွင့် စာရွက်

အဆင့် ၄ - ဂျပန်သို့ ရောက်ရှိခြင်း

လေဆိပ်တွင် လူဝင်မှုကြီးကြပ်ရေး ကောင်တာ၌ Passport နှင့် ဗီဇာကို ပြသပါ။ လေဆိပ် (Narita, Haneda, Kansai, Chubu) တွင် နေထိုင်ခွင့်ကဒ် (Zairyu Card) ကို ထုတ်ပေးပါလိမ့်မည်။